सुन्दर आँखा (बालगीत)
कापी दिँदा पन्छाउने भित्ता पाए रमाउने, खाने कुरा खाएर भित्तामै हो समाउने ।
फागुन ९, २०८२ शनिबार ०२:२७
कोरिदिन्छिन् भित्तामा
केके–केके लेखेर
टोलाइरहन्छु म हजुर
उनको चाला देखेर ।
कापी दिँदा पन्छाउने
भित्ता पाए रमाउने
खाने कुरा खाएर
भित्तामै हो समाउने ।
के भनेर सम्झाउनु ?
के भनेर बुझाउनु ?
उनको सुन्दर आँखालाई
कसरी खै रुझाउनु ?
उनी हुन्छिन् टिचर
बनेकी छु चेली म
उनले जेजे सिकाउँछिन्
सिक्दै छु है फेरि म ।
बुद्धनगर काठमाडौँ
प्रतिक्रिया