घान्द्रुक गाउँ (बालकविता)

रमाउँदै बस्छौँ, खेल्छौँ
प्रकृतिको साथमा
सुन्दर हिमाल चुचुरी छन्
सधैँ हाम्रो माथमा ।

तल बग्छ मोदी खोला 
माथि–माथि हाम्रोे गाउँ
घान्द्रुक हो नि ! यसको नाउँ ।
नेपालको सुन्दर ठाउँ

धुवाँ धुलो केही छैन 
सफा सुन्दर हाम्रो गाउँ
अमूल्य छ हाम्रो ठाउँ
स्वर्ग नै हो घान्द्रुक गाउँ ।

चरा गर्छन चिरबिर 
गुराँस फुल्छ राताम्य
सेतो हिमाल हेर्नलाई 
पाहुना आउँछन् अचम्म ।

पानी पर्छ, घाम लाग्छ 
हिउँ पनि पर्छ है 
बादलुले हिमाल ढान्दा 
नरमाइलो लाग्छ है ।

उकाली र ओराली छन् 
छ है बाटो मिलेका 
हिँड्नलाई सजिलो छ 
सिँढी–सिँढी परेका ।

रमाइलो हाम्रो गाउँ
नेपालकै सुन्दर ठाउँ
एकपटक आउनुस् है 
घुम्नलाई घान्द्रुक गाउँ ।