गाइने दाइ (बालगीत)
फेरि गाउनोस् गाइने दाइ र्याइँर्याइँ पारी गीत ! त्यो गीतमा बसेको छ सबको मीठो प्रीत
पुस १३, २०८२ आइतबार १०:००
फेरि गाउनोस् गाइने दाइ
र्याइँर्याइँ पारी गीत !
त्यो गीतमा बसेको छ
सबको मीठो प्रीत
फेरि गाउनोस्....
सारङ्गीको धुनै मीठो
त्यस्तै मीठो भाका
हिँड्नु हुन्छ गीत गाउँदै
लेकबेँसी पाखा
फेरि गाउनोस्....
नहराओस् कहिले पनि
सारङ्गीको धुन
त्यस्तो मीठो धुन सुन्न
झर्लान् ताराजून ।
फेरि गाउनोस्....
बुद्धनगर काठमाडौँ
प्रतिक्रिया