मन्त्रीकाे स्वागतमा खटाइए बालबालिका

रौतहटको चन्द्रपुर नगरपालिका-८ स्थित शुभलाल माध्यमिक विद्यालयले पठनपाठन बन्द गरेर विद्यार्थीलाई मन्त्रीको स्वागतमा सहभागी गराएको छ ।

जन्मोत्सव पार्क शिलान्यासका लागि शुक्रबार राैतहट पुगेका उर्जामन्त्री कुलमान घिसिङकाे स्वागतार्थ विद्यालयले कक्षा ६ देखि १० सम्म पढ्ने विद्यार्थीलाई खटाएकाे हाे । घिसिङकाे अग्रसरतामा उज्यालो नेपाल पार्टी गठन गरिएकाे छ । 

मन्त्री सहभागी कार्यक्रममा उपस्थिति धेरै देखाउनुपर्ने भन्दै विद्यालयले पठाएकाे विद्यार्थीहरुले बताएका छन् । त्यसअघि उनीहरुलाई मन्त्रीकाे स्वागतका लागि सडकमा उभ्याइएकाे थियाे ।

स्मरणीय छ, बालबालिकासम्बन्धी ऐनले बालबालिकालाई कुनै पनि राजनीतिक गतिविधिमा सामेल गराउन बर्जित गरेकाे छ ।