एसियाली युथ पारा गेम्समा स्वीकृतलाई रजत

दुबइमा भइरहेको पाँचौं एसियाली युथ पारा गेम्सअन्तर्गत टेबलटेनिसको यु–२३ पुरुष सिंगल्स (क्लास ७) मा स्वीकृत न्यौपानेले रजत जित्नुभएकाे  छ ।

न्याैपाने समूह चरणमा पहिलो हुँदै सेमिफाइनलमा पुग्नुभएकाे थियाे । समूह चरणमा उहाँले काजाकिस्तान, किर्गिस्तान र इराकका खेलाडीलाई पराजित गर्नुभयाे ।

सेमिफाइनलमा न्याैपानेले फिलिफिन्सका खेलाडीलाई ३–१ ले हराउँदै फाइनलमा स्थान सुरक्षित गर्नुभएकाे थियाे ।

फाइनलमा भने चाइनिज ताइपेइका खेलाडीसँग २–३ ले पराजित हुनुभएकाे हाे ।