चिप्लेकीरा (बालगीत)

खहरेझैँ सुक्नुहुन्न बन्नुपर्छ सागर - लक्ष्यमा पुग्नलाई गर्नुपर्छ जाँगर ।

ललिता ‘दोषी’

मंसिर ७, २०८२ आइतबार ०६:२३

चिप्लेकीरा लड्दै हिँड्दै
पुग्छ माथिमाथि
केही पाउन संधर्ष त
गर्नैपर्छ साथी !

खहरेझैँ सुक्नुहुन्न
बन्नुपर्छ सागर
लक्ष्यमा पुग्नलाई
गर्नुपर्छ जाँगर ।

बल्नुपर्छ अँध्यारोमा
जूनतारा बनी
उठाउनु छ शिर सधैँ
नेपाली हौँ भनी ।

बुद्धनगर, काठमाडौँ

ललिता ‘दोषी’

(ललिता ‘दोषी’ २०४१ सालमा ‘शुभकामना’ शीर्षकको कविता प्रकाशन गरी नेपाली साहित्यमा प्रवेश गर्नुभएकाे हाे । उहाँका ५१ वटा साहित्यिक कृतिहरू प्रकाशित छन् ।)