विनाेदी, उदासी र घिमिरेलाई माधव वियाेगी पुरस्कार र सम्मान प्रदान

माधव वियोगी वाङ्मय प्रतिष्ठानले यस वर्षकाे माधव वियाेगी साहित्य पुरस्कार शनिबार पाेखरामा आयाेजित एक कार्यक्रममा नवलपुरका कवि गाेविन्दराज विनाेदीलाई प्रदान गरेकाे छ । 

त्यसैगरी माधव वियाेगी सम्मान कास्कीका नाट्यकर्मी कृष्ण उदासी र लमजुङका आधुनिक बालसाहित्यकार रमेशचन्द्र घिमिरेलाई प्रदान गरिएकाे छ ।

उत्कृष्ट कविता-काव्य सिर्जना गरी नेपाली भाषासाहित्यकाे विशिष्ट सेवा गरेवापत कवि विनाेदीलाई पुरस्कार प्रदान गरिएकाे प्रतिष्ठानले जनाएकाे छ ।

नेपाली नाटक र आधुनिक बालसाहित्यकाे उन्नयनमा निरन्तर साधना गरेवापत उदासी र घिमिरेलाई सम्मान प्रदान गरिएकाे हाे ।

माधव वियाेगी साहित्य पुरस्कारकाे राशि रु.२५ हजार र सम्मानहरूकाे राशि पाँच–पाँच हजार रहेकाे छ ।