प्रभु महालक्ष्मी लाइफको एचिभर्स अवार्ड समारोह सम्पन्न

प्रभु महालक्ष्मी लाइफ इन्स्योरेन्स लिमिटेडको बागमती प्रोभियन्स क्लब एचिभर्स अवार्ड सेरेमोनी २०८१/८२ भव्यताका साथ सम्पन्न भएको छ ।

काठमाडौँमा शनिबार आयोजित कार्यक्रममा बागमती प्रदेशबाट उत्कृष्ट व्यवसाय गर्ने अभिकर्ताहरू तथा उच्च व्यवस्थापकहरूको उपस्थिति थियो ।

कार्यक्रममा प्रदेशस्तरमा उत्कृष्ट व्यवसाय गरी 'प्रोभियन्स क्लब' हासिल गरेका अभिकर्ताहरूलाई सम्मान गरिएको थियो ।

प्रभु महालक्ष्मी लाइफ इन्स्योरेन्स लिमिटेडका प्रमुख कार्यकारी अधिकृत सन्तोष प्रसाइँले प्रोभियन्स क्लब हासिल गर्ने अभिकर्ताहरूलाई बधाई दिँदै यो एउटा सफलताको सिँढी मात्र भएको बताउनुभयाे ।

यस समारोहलाई फलदायी बनाउन योगेन्द्रप्रसाद खतिवडा र राजेश बस्नेतले बीमा बिक्रीकलासम्बन्धी प्रशिक्षण प्रदान गर्नुभएकाे थियाे ।