एनआईसी एशिया बैंक हाँक्दै शाक्य

एनआईसी एशिया बैंक लिमिटेडका सीईओ सुजितकुमार शाक्यले पदभार सम्हाल्नुभएकाे छ । बैंकको ७३६औं सञ्चालक समिति बैठकले उहाँलाई सीईओ नियुक्त गरेको थियो ।

करिब तीन दशकदेखि नेपालको बैंकिङ्ग क्षेत्रमा काम गरेको शाक्यकको अनुभव छ । उहाँले भारतको नयाँ दिल्लीस्थित दिल्ली युनिभर्सिटीबाट ब्याचलर इनकमर्श र भारतकै इन्स्टिच्युट अफप्रोडक्टिभिटी एण्ड म्यानेजमेन्ट लखनउबाट व्यवस्थापनमा स्नातकोत्तर उत्तीर्ण गर्नुभएकाे छ ।

सन् १९९६ देखि तत्कालीन नेपाल श्रीलङ्का मर्चेन्ट बैंकबाट बैंकिङ्ग यात्रा सुरू गर्नुभएका उहाँले हिमालयन बैंक, तत्कालीन लक्ष्मी बैंक हुँदै सन् २००७ देखि तत्कालीन बैंक अफ एशिया मा बिजनेस बैंकिङ्ग प्रमुखका रुपमा काम गर्नुभएकाे थियाे ।

तत्कालीन बैंक अफ एशिया र एनआईसी बैंकको मर्जर प्रक्रियामा उहाँले महत्त्वपूर्ण भूमिका निर्वाह गर्नुभएकाे थियाे । एनआईसीको सीईओ बन्नुअघि शाक्य नबिल बैंकमा वरिष्ठ नायब प्रमुख कार्यकारी अधिकृतको जिम्मेवारीमा हुनुहुन्थ्याे ।