मिस्टिक माउन्टेन टेनिसमा ४० प्रतिस्पर्धीकाे विजयी सुरुआत

होटल मिस्टिक माउन्टेनको आयोजनामा सातदोबाटोस्थित टेनिस कोर्टमा भइरहेको होटल मिस्टिक माउन्टेन ग्रान्ड ओपन टेनिस प्रतियोगितामा पहिलाे दिन देवाशीष रेउलेले ओजेज महर्जनलाई ६–२ र ६–० को सोझो सेटमा पराजित गर्नुभयाे ।

सोही स्पर्धाको अन्य खेलमा साश्वत बुद्धचार्य, आयुशमान घले, निश्चल कायश्थ, असभसम्राट हाडा, दर्शिल श्रेष्ठ, छेवाङ लामा, सर्वेश खनाल, विपुल अधिकारी, सन्तोष खत्री र निहाल जंगबहादुर राणाले सफलता पाउनुभयाे ।

महिला सिंगल्समा शिभाली गुरुङ, प्रकृति श्रेष्ठ र स्वस्तिका विष्टले आ–आफ्नो प्रतिद्वन्द्वीलाई हराउँदै जितका साथ यात्रा प्रारम्भ गर्नुभयाे ।

यु–१६ ब्वाइज सिंगल्समा सन्दिप विक, अभिषेक गुरुङ, दर्शिल श्रेष्ठ, युभेनमान श्रेष्ठ, साङ्गे रोकाया, सुरेन्द्र विक र सूर्यान्श श्रेष्ठले जित हात पार्नुभयाे ।

यु–१४ ब्वाइज सिंगल्समा आर्यश पौडेल, सुरेन्द्र विक, सुजन कुइकेल र समय विष्ट विजयी हुनुभयाे ।

यु–१२ ब्वाइज सिंगल्समा अभिषेक बयल्कोटीले जित हात पार्नुभयाे । सोही स्पर्धाको गर्ल्समा आर्या पौडेल, सुहानी जजोडिया, इरा खत्री, नाइरा घले र तभिशा राणा विजयी हुनुभयाे ।

यु–१० ब्वाइज सिंगल्समा सोनम घले, तोनिश श्रेष्ठ, सविक पोखरेल र बसिटा क्षेत्री अगाडि बढ्नुभयाे । उक्त स्पर्धाको गर्ल्समा निम्ति कुँवर, अमिरा गुप्ता, रजिशा जोशी र जेरुशा राजवंशीले सफलता हात पार्नुभयाे ।

यु–८ ब्वाइज सिंगल्समा गगन श्रेष्ठ, निर्भाना मुन्दरा, विविध भट्टचन, सुविज्ञा बुढाथोकी, सर्वज्ञ खत्री, मिहिर श्रेष्ठ, सत्विक मल्होत्रा र वंशिल अग्रवालले पहिलो चरण पार गर्नुभयाे । सो स्पर्धाको गर्ल्समा स्वर्णिमा श्रेष्ठ, बेनाफ्सा महर्जन, अनुपमा श्रेष्ठ र भानी राजभण्डारी विजयी हुनुभयाे ।

यु–९ ब्वाइज सिंगल्समा कायान चालिसे, सोनाम घले, आयन पन्त र सर्वज्ञजंग खत्रीले जित हात पार्नुभयाे । त्यसै स्पर्धाको गर्ल्समा बेनाफ्सा महर्जन र स्वर्णिमा श्रेष्ठ सफल हुनुभयाे ।

प्रतियोगिताको मिस्टिक माउन्टेनका अध्यक्ष बालकृष्ण ध्वजु र नेपाल टेनिस संघका अध्यक्ष मनोहरदास मुलले एक कार्यक्रमबीच उद्घाटन गर्नुभयाे ।

१६ स्पर्धा समावेश पाँचदिने प्रतियोगितामा १ सय ३६ पुरुष र ८३ महिला खेलाडी सहभागी छन् ।

दोश्रो संस्करणको प्रतियोगिताको कुल पुरस्कार राशी २ लाख ७८ हजार रुपैयाँ रहेको छ ।