मिस्टिक माउन्टेन टेनिस कात्तिक १८ बाट

होटल मिस्टिक माउन्टेन ग्रान्ड ओपन टेनिस प्रतियोगिता कात्तिक १८ गतेदेखि हुने भएको छ ।

प्रतियोगितामा ७ उमेरस मूह र २ खुला गरी जम्मा १६ स्पर्धामा करिब २ सय खेलाडीको सहभागिता रहने प्रतियोगिता संयोजक सूर्यभूषण वज्राचार्यले जनाउनुभएकाे छ ।

यु–८, यु–९, यु–१०, यु–१२, यु–१४ र यु–१६ ब्वाइज\गर्ल्स सिंगल्स तथा यु–१६ ब्वाइज\गर्ल्स डबल्समा खेल हुनेछ । खुलामा पुरुष\महिला सिंगल्समा प्रतिस्पर्धा हुनेछ ।

दोश्रो संस्करणमा उमेर समूहको स्पर्धालाई निरन्तरता दिँदै खुला स्पर्धा थप गरिएको हो । सबै स्पर्धामा नगद पुरस्कार राखिएको छ ।

नेपाल टेनिस संघको सहयोग तथा जुनियर टेनिस इनिसिएटिभ (जेटीआई) को संयोजनमा हुन लागेको प्रतियोगिताको कुल पुरस्कार राशी २ लाख ७८ हजार रुपैयाँ रहेको छ ।

पहिलो संस्करणको पुरस्कार राशीमा दोब्बर भन्दा बढीले बृद्धि गरिएको हो । पहिलो संस्करणको कुल पुरस्कार राशी १ लाख ११ हजार रुपैयाँ रहेको थियो ।

कात्तिक २२ गतेसम्म हुने प्रतियोगिताका खेलहरु सातदोबाटोस्थित टेनिस कम्प्लेक्समा खेलाइनेछ ।