बाल अधिकार (बालगीत)

बिच्छ काँडा पाइलै पिच्छे
झर्छ आँसु थोपा
माया र सम्मानको 
भयौँ सधैँ भोका
           बिच्छ काँडा....

सडक बालकभन्दा  सबले 
टुक्रिन्छ है छाती 
पाएदेखि बाल अधिकार
टेक्छौँ शिखरमाथि 
            बिच्छ काँडा.....

अरूलेझैँ स्कुलमा 
जान मन लाग्छ 
मीठोचोखो हामीलाई नि  !
खान मन लाग्छ । 
            बिच्छ काँडा....

नटुक्य्राउनु  हाम्रो मुटु
दिनु लौ अधिकार 
नपरोस् है रुन हामीले
अब बारम्बार !
            बिच्छ काँडा.....

---

बुद्धनगर, काठमाडौँ