अन्तरबिद्यालय गायन प्रतियोगितामा आयन थापा प्रथम

राजधानीमा सम्पन्न ११ औं उपत्यकाब्यापी अन्तरबिद्यालय एकल गायन प्रतियोगितामा रिलायन्स को. एड. स्कुलका आयन थापा प्रथम हुनुभएकाे छ ।

काठमाडौं उपत्यकाका ३४ बिद्यालयका नानीबाबुहरुको सहभागिता रहेको उक्त गायन प्रतियोगितामा आफ्नो उत्कृष्ट गायकीमार्फत आयन थापाले प्रथम स्थान हासिल गर्नुभएकाे हाे भने कोटदेवी पब्लिक स्कुलका समिपन राई द्वितीय र अमर ईङ्गलिस स्कुलका जेसिका श्रेष्ठ तृतीय हुनुभयाे ।

गीत रचनातर्फ रिलायन्स को. एडका लेखु सहयात्री प्रथम, न्युटन स्कुलका रामबहादुर केसी द्वितीय र कौशल इङ्गलिस बोर्डिङ्ग स्कुलका शिवप्रसाद अर्याल तृतीय हुनुभयाे भने संगीततर्फ अमर इङ्गलिस स्कुलका सागर गौतम प्रथम, मनास्लु स्कुलका नारायण लामा द्वितीय र रिलायन्स को. एडका राजन खतिवडा तृतीय हुनुभयाे ।

बसुन्धारा नेसनल ऐकेडमीको आयोजना र हेमन्त शर्माको आतिथ्यता एवं प्रकाश सायमीको प्रमुख आतिथ्यतामा सम्पन्न उक्त गायन प्रतियोगिताको निर्णायकहरुमा संगीतकार महेश खड्का, संगीतकार भानुभक्त ढकाल र गीतकार होम न्यौपाने रहनुभएको थियो ।