को हुन् यिनी ?

को हुन् यिनी ?
के हो यिनको नाम ?
किन मान्छन् सबले यिनलाई ?
के–के गरे काम ?

कसका छोरा ?
कसका नाति ?
आमा को हुन् यिनकी ?
बाल्यकाल कस्तो थियो ?
भार्या को हुन् यिनकी ?

जन्म कहिले भयो यिनको ?
मृत्यु कहिले भयो ?
कस्ता–कस्ता उपदेशले
यिनको कीर्ति रह्यो ?

असल मानिस छान्दा हामी
किन यिनलाई छान्छौं ?
सम्बोधन गर्दा किन
बडामहाराज भन्छौं ?

नेपाली हुँ भनी गौरव
गर्छ यहाँ जसले
यिनका बारे सबै कुरा
जान्नैपर्छ उसले ।