मिस नेपाल २०२५ को उपाधि लुना लुइँटेललाई

मिस नेपाल २०२५ को उपाधि लुना लुइँटेलले जित्नुभएकाे छ । हिडन ट्रेजरकाे आयाेजनामा गोदावरीको सनराइज हलमा शनिबार भएको फाइनलमा २५ जना प्रतिस्पर्धीहरूलाई पछि पार्दै लुइँटेलले उपाधि चुम्नुभएकाे हाे ।

यस्तै मिस नेपाल इन्टरनेशनल उरुशा भण्डारी र मिस नेपाल अर्थ सोनी घले हुनुभएकाे छ ।

याे मिस नेपालको ३१ औं संस्करण हाे । लुइँटेललाई पूर्वमिस नेपाल आस्मा केसीले ताज लगाइदिनुभयाे । 

यस्तै,  मिस अर्थ घलेलाई पूर्वमिस अर्थ सुमना केसीले र मिस नेपाल इन्टरनेसन भण्डारीलाई पूर्वमिस नेपाल इन्टरनेसन करूणा रावलले ताज लगाइदिनुभयाे ।