यू-२० महिला एसियन कप छनोटमा नेपालको जित

भुटानको थिम्पुमा जारी एएफसी यू-२० महिला एसियन कप छनोट खेलमा नेपालले साउदी अरेबियालाई पराजित गरेको छ ।

थिम्पुस्थित चाङलिमिथाङ स्टेडियममा भएको खेलकाे ९०औं  मिनेटमा शुक्रिया मियाँले ट्याप इन गोल गर्दै नेपाललाई १–० काे जित दिलाउनुभएकाे हाे । उहाँले मिना देउवाको पासमा गोल गर्नुभएकाे थियाे ।

नेपालले ३७औं मिनेटमा पेनाल्टीमार्फत गोल गर्ने सुनौलो अवसर पाए पनि मीना देउवाको प्रहार बारमा लागेको थियो । 

नेपालले आफ्नो पहिलो खेलमा भुटानसँग १-१ गोलको बराबरी खेल्दै अंक बाँडेको थियो । साउदी अरेबियाले भने उत्तर कोरियासँग १५-० को फराकिलो हार बेहोरेको थियो ।