प्रिन्सिपलहरूसँग बज्र एडुकेयरकाे अन्तर्क्रिया

बालबालिकाकाे शिक्षाकाे क्षेत्रमा कार्यरत बज्र एडुकेयरले आइतबार ललितपुरकाे एम्बार्क कलेजमा विभिन्न विद्यालयका प्रिन्सिपलहरूसँग अन्तर्क्रिया गरेकाे छ ।

शिक्षा क्षेत्रकाे अवस्था र पाेषणयुक्त खानाका विषयमा केन्द्रित अन्तर्क्रियामा वागमती प्रदेशसभा सदस्य तथा बज्र एडुकेयरका सल्लाहकार शैलेन्द्रमान बज्राचार्यले शिक्षा क्षेत्रप्रतिकाे आफ्नाे लगावबारे प्रष्ट पार्नुभयाे । 

बज्र एडुकेयरका फाउण्डर चेयरमेन प्रदीप बज्राचार्यले अहिलेकाे शिक्षा प्रणालीमा सुधार आवश्यक रहेकाे बताउनुभयाे । 'हामी परम्परागत र आधुनिक शिक्षा प्रणालीकाे दाेसाँधमा छाैं,' उहाँले भन्नुभयाे, 'प्रविधिकाे बढ्दाे प्रयाेगसँगै हामीले बालबालिकाकाे रुचिलाई सम्बाेधन गर्ने गरी शिक्षा प्रणालीमा सुधार गर्नु आवश्यक छ ।'

पाेषणयुक्त खानाका विषयमा भेर्टेक्स फुडका डा.अतुल उपाध्यायले जानकारी दिनुभयाे । स्ट्रेस म्यानेजमेन्ट ट्रेनर प्रज्ञानविक्रम थापाले ध्यानका माध्यमबाट तनाव व्यवस्थापनका उपाय सिकाउनुभयाे ।

३० विद्यालयका प्रिन्सिपल सहभागी कार्यक्रमकाे सञ्चालन वनस्थलीस्थित विद्याेदय स्कुलकी प्रिन्सिपल एवं बज्र एडुकेयरका तालिम विभाग प्रमुख नमिला शाक्यले गर्नुभएकाे थियाे ।