चेस च्याम्पियनसिपकाे उपािध मार्भलस बोर्डिङ्गलाई

नेपाल बुद्धिचाल महासंघ र अन्नपूर्ण स्कूलको संयुक्त आयोजना रहेको २० औं अन्नपूर्ण दोश्रो राष्ट्रिय स्कूल चेस च्याम्पियनसिप सोमबार सम्पन्न भएको छ ।

७५ विद्यालयका खेलाडी सहभागी भएको बृहत दोस्रो राष्ट्रिय स्कुल चेस च्याम्पियनको उपाधि मार्भलस इङ्गलिस बोर्डिङ स्कूलले जित्न सफल भएकाे छ । 

उमेर समूह युवा - ९, ११, १३, १३  वर्षमाथिका छात्र र छात्राबीच प्रतिस्पर्धा भएको प्रतियोगितामा मार्भलस इङ्गलिस बोर्डिङ्ग स्कूलले ४५ अंक जोडेर स्कूल च्याम्पियन भएकाे हाे ।

कूल ५५० विद्यार्थी खेलाडी सहभागी रहेको स्पर्धामा मनकामना विद्यालय ४० अङ्क बनाउँदै दोस्रो स्थानमा रहन सफल भयाे । 

यस्तै त्रियोग हाइस्कुलले ३८ अङ्क जोडेर तृतीय स्थान सुरक्षित बनायाे । 

ज्याठास्थित अन्नपूर्ण स्कूलमा चार दिनसम्म सञ्चालन भएको राष्ट्रिय प्रतियोगिताअन्तर्गत युवा - १३ वर्षमाथिका छात्र समूहमा काठमाडौँ प्रज्ञा कुञ्जका कशिभ कार्की  प्रथम, भ्याली पब्लिक हाइस्कुलका अनमोल राई द्वितीय र डिएभी स्कुलका हर्षवर्धन राठी तृतीय हुनुभयाे । 

यसै समूह अन्तर्गत छात्रातर्फ मनकामना स्कुलका प्रेसियस अधिकारी प्रथम, सूर्योदय सेकेन्डरी बोर्डिङ स्कुलका अनन्य सैजु द्वितीय र काठमाडौँ प्रज्ञा कुञ्जका नेलिसा ओझा तृतीय बन्नुभयाे ।

युवा छात्र १३ वर्षमुनि एसियन पब्लिक स्कुलका दिपन मैनाली प्रथम, पाठशाला नेपाल फाउन्डेसनका ओस्कार पन्थी द्वितीय र मार्भलसका ब्रिज नन्दन झा तृतीय हुनुभयाे ।

१३ वर्षमुनि छात्रातर्फ मनकामना स्कुलका मेघना अधिकारी प्रथम, नितिन मेमोरियलका परियचा बोलाखा द्वितीय र त्रियोग हाइस्कुलका परिधि खत्रीले तृतीय स्थान प्राप्त गर्नुभयाे ।

काठमाडौँ महानगरपालिका वडा नम्बर २७ का वडाध्यक्ष योगेश खड्काको प्रमुख आतिथ्यतामा प्रतियोगिताका विजयी विद्यालयलाई च्याम्पियन ट्रफी, मेडल र प्रमाणपत्र वितरण गरिएकाे थियाे ।