बालकुमारी कन्या माविमा रजस्वला सचेतना

बालकुमरी कन्या मध्यमिक विद्यालय भरतपुर-२, चितवनमा रजस्वला स्वास्थ्य जनचेतना गरिएको छ ।

स्वास्त्यंगी, इनिसियशन फर चेन्ज, युवा नेपाल र ग्रेस इन्टरनेशनल चितवनको संयुक्त आयोजनामा सचेतना मेला गरिएको हो ।

स्कुल पढ्ने किशोरीहरुलाई लक्षित गरेर आयोजना गरिएको मेलामा बालकुमरी कन्या मावि र लिटल फ्लावर स्कुलका ३०० भन्दा बढी विद्यार्थीको उपस्थिति थियो।

मेलामा कुल ८ ओटा स्टल थिए । हरेक स्टल रजस्वलाका विभिन विधाहरुका लागि निर्धरित थियो । अन्तर्क्रिया र छलफलका साथै विद्यार्थीहरु्का लागि खेलहरु र फेस पेनटिगंका स्टलहरु पनि राखिएको थियो। यसका सथै सोहि दिन रजस्वला शिर्षकमा चित्रकला प्रतिस्पर्धा समेत आयोजना गरिएको थियो । यस किसिमको रजस्वला स्वास्थ्य जनचेतना मेला चितवनमै पहिलो पटक आयोजना गरिएको  स्वास्त्यंगीको सह-संस्थापक अश्नना अवस्थीले जानकारी दिनुभयाे ।

स्वास्त्यंगी, पुरानो मेडिकल कलेजमा एमबिबिएस आध्यनरत विद्यार्थीहरुले स्थापना गरेको एक सामाजिक संस्था हो । विशेषत: महिला स्वास्थ्यको क्षेत्रमा काम गर्ने यस संस्थाले बिगतका दिनदेखि भरतपुरका विभिन्न विद्यालयमा आध्यनरत छात्राहरुलाई महिनावारीको सुरुवात, महिनावारीको समयमा प्रयोग गर्नुपर्ने स्यानिटरी न्याप्किन, मेनसुरल कप, टेमपुन र यसका साथै महिनावारीको बेलाका समस्या र यसका समाधानबारे आभिमुखिकरणको कार्यक्रम गर्दैआइरहको छ ।