‘इनडोर गेमप्रतिको रुचिले बच्चाहरुमा गम्भीर असर पारिरहेको छ’ (भिडियाे)

किशोर आवाजको २१ औं श्रृंखलामा हामीले हेमन्त बोहोरासँग कुराकानी गरेका छौं । 

हेमन्त हालै भारतको अरुणाञ्चलमा सम्पन्न अल्टिमेट मास्टर्स आर्ट फाइटिङ च्याम्पियनसीप २०२५ मा दोस्रो भएर फर्कनुुभएको हो ।

प्रतियोगितामा नेपालबाट दुुई जना सहभागी हुनुुभएको थियो । जसमा हेमन्तले ६५ प्लस फ्रि वेट क्याटेगोरीमा खेल्नुुभएको थियो ।

विदेशमा खेलाडीको हकहितका लागि निकै काम हुुने गरेको तर हाम्रोमा त्यस्तो केही सुविधा नभएको उहाँ बताउनुहुन्छ । खेल क्षेत्रमा लागेका व्यक्तिहरुलाई जीवन निर्वाह गर्नसक्ने अवस्था नभएको उहाँको बुुझाइ छ ।

‘यही कारण धेरै खेलाडी विदेशी पलायन भइरहेका छन्,’ उहाँ भन्नुहुन्छ, ‘मेरोचाहिँ यहीँ संघर्ष गर्ने चाहना छ । विदेश पलायन हुने सोच बनाएको छैन ।’

बच्चाहरुमा इनडोर गेमप्रतिको बढ्दो रुचिले भविष्यमा ठूलो असर पार्नसक्ने हेमन्तको बुुझाइ छ । ‘यसले ठूलो समस्या निम्त्याउनसक्ने देख्छु, इनडोर गेममा बच्चाहरु बढी अभ्यस्त हुँदा उनीहरुको सिर्जनशीलतामा गम्भीर असर परिरहेको छ,’ उहाँ भन्नुहुुन्छ ।