कक्षा १२ काे परीक्षा निर्धारित मितिमै गर्ने निर्णय

राष्ट्रिय परीक्षा बोर्डले कक्षा १२ को वार्षिक परीक्षा निर्धारित मितिमै गर्ने निर्णय गरेकाे छ ।

बोर्डको मंगलबार बिहान बसेको बैठकले शिक्षकले असहयाेग गरे निजामती कर्मचारी खटाएर भए पनि परीक्षा ताेकिएकाे मितिमै गर्ने निर्णय गरेको हो ।

शिक्षा ऐन जारी गर्न माग गर्दै देशभरका शिक्षक आन्दाेलनमा उत्रिएपछि वैशाख ११ गतेदेखि सुरु हुने परीक्षाबारे अन्योल रहेको थियो ।

शिक्षक महासंघको आह्वानमा शिक्षकहरु गत चैत २० देखि सडक आन्दोलनमा छन् । सरकारले स‌ंसद्काे वर्षे अधिवेशनमा शिक्षा ऐन जारी गर्ने जनाए पनि शिक्षकले आन्दाेलन राेक्न मानेका छैनन् ।

उत्तरपुस्तिकलगायत परीक्षा सामग्री सम्पूर्ण परीक्षा केन्द्रमा पुगिसकेको र विद्यार्थीको प्रवेशपत्र वितरणकाे काम जारी रहेको पनि बाेर्डले जनाएकाे छ ।