शिक्षक आन्दाेलनकै बीच शिक्षामन्त्रीकाे राजीनामा

शिक्षा, विज्ञान तथा प्रविधिमन्त्री विद्या भट्टराईले राजीनामा दिनुभएकाे छ ।

भट्टराईले सोमबार अपराह्न प्रधानमन्त्री केपी शर्मा ओलीलाई भेटेर राजीनामा पत्र बुझाउनुभएकाे उहाँकाे सचिवालयले जनाएकाे छ ।

शिक्षक महासंघको आह्वानमा देशभरका शिक्षक २० दिनदेखि काठमाडौंकेन्द्रित आन्दोलनमा रहेकै बेला उहाँले राजीनामा दिनुभएकाे हाे । सरकारले शिक्षकका माग सम्बाेधन नगरेकामा आलाेचना भइरहेकाे छ । 

शिक्षक आन्दाेलनकै कारण विद्यालयमा नयाँ शैक्षिक सत्रकाे पढाइ सुरु हुन सकेकाे छैन भने कक्षा १२ काे परीक्षा पनि अन्याेलमा परेकाे छ ।