नेपाल र दाेषीलाई बालसाहित्य सम्मान

२०८२ वैशाख ५ गते वनिता साहित्यिक त्रैमासिक पत्रिकाको आयोजनामा बुढानीलकण्ठ न.पा.को वडा नं.९ को सभाकक्षमा स्रष्टा सम्मान, अभिनन्दन तथा पुरस्कार वितरण कार्यक्रम सम्पन्न भयो ।

कार्यक्रममा वनिता साहित्यिक त्रैमासिकले यस वर्षको विविध पुरस्कारमध्ये वनिताश्री देवकुमारी थापा बालसाहित्य सम्मान प्रा.डा देवी नेपाल र ललिता दोषीलाई प्रदान गरेको थियो ।

साहित्यकार एवम् साहित्यिक पत्रकार  वनिताकी सम्पादक लक्ष्मी उप्रेतीको अध्यक्षतामा र नाटककार अशेष मल्लको प्रमुख आतिथ्यतामा सम्पन्न उक्त कार्यक्रममा स्वागत महेन्द्र गुरुङले गर्नुभएको थियो ।

उक्त कार्यक्रमको सञ्चालन साहित्यकार ठाकुर बेलबासेले गर्नु भएको थियो l