‘विवाह अभिभावकको दबाबमा होइन, आफ्नो इच्छाअनुसार गर्नुपर्छ’ (भिडियाे)

 

किशोर आवाजको १८ औं श्रृंखलामा हामीले अञ्जना बिष्ट र एरिम मगरसँग कुराकानी गरेका छौं । उहाँहरु काठमाडौंको कोटेश्वरस्थित ट्रिटन इन्टरनेशनल कलेजमा अध्ययनरत हुनुहुन्छ । अञ्जना बिबिएस अन्तिम वर्षमा र एरिम पहिलो वर्षमा अध्ययन गर्नुहुन्छ । 

कलेजले आफूहरुलाई पढाइसँगै अतिरिक्त क्रियाकलापमा बढी सक्रिय राखेको र त्यसले आफ्नो व्यक्तित्व विकासमा मद्दत पुगेको उहाँहरु बताउनुहुन्छ । 

स्नातक तह सकेपछि अञ्जनाले मानसिक स्वास्थ्यको क्षेत्रमा काम गर्ने सोच बनाउनुभएको छ । ‘किशोरकिशोरी र बालबालिकामा अहिले मानसिक स्वास्थ्यसम्बन्धी समस्या बढिरहेको छ,’ अञ्जना भन्नुहुन्छ, ‘उनीहरुलाई सही परामर्शको खाँचो छ । त्यसैले मैले यही क्षेत्रमा केही गर्ने सोच बनाएको छु ।’

‘मलाई चाहिँ बालबालिका, किशोरकिशोरी मात्रै नभएर सबै नागरिकमा मानसिक स्वास्थ्यसम्बन्धी परामर्शको खाँचो छ जस्तो लाग्छ,’ एरिम थप्नुहुन्छ । 

सामाजिक सञ्जाल निकै उपयोगी प्लेटफर्म रहेको तर यसको प्रयोगमा सावधानी अपनाउनुपर्ने उहाँहरूको विचार छ । 

विवाह अभिभावकको दबाबमा भन्दा आफ्नो इच्छाअनुसार गर्नुपर्ने उहाँहरू बताउनुहुन्छ ।

विदेशमा पढाइ र अवसर दुवै बढीे भए पनि सकेसम्म स्वदेशमै केही गर्नुपर्ने उहाँहरुको सोच छ । 

अञ्जना र एरिमसँगको कुराकानी सुनौं भिडियोमा ।