नयाँ वर्ष (बालकविता)

नाङ्गानाङ्गा बोटमा
फेरि आए पालुवा
रमाउदै उडे नि !
अरू चरा मलेवा 

माहुरीको भुुनभुन
पुतलीको देखी नाच
रमाउँदै हाँसे म
साथीसँगीहरू साथ 

सबै साथी आऊ न
मीठो गीत गाऊँ न
काफलगेडी कुटुक्क 
मिली अब खाऊँ न 

गुराँसको फूल त्यो 
फुल्छ अब वनमा
खुसीयाली छाउँछ 
सबैको त्यो मनमा 

शुभकामना दिन्छु म
साथीभाइ सबैलाई 
नयाँ वर्ष राम्रो होस्
बिगार नहोस् कसैलाई । 

---

बुद्धनगर, काठमाडौँ ।