मेरा साथीहरू (बालकविता)

मेरा साथी धेरै छन्  माया पनि गर्दछन् 
साथी बिना मेरो अस्तित्व नै हुँदैन ।
नाम दिई सबैलाई चिनाउँछन् तिनले 
साथीले नै राखेका छन् मेरो परिचय ।

हात खुट्टा आँखा जीब्रो सबै साथी
मस्तिष्क बिद्धुत भन्डार, ठूलाे छ काम ।
पूरा शरीर चलाउने यसकै हुन्छ काम 
मस्तिष्कले आज्ञा दिई मात्र चल्छ ज्यान ।

आँखा अर्को सच्चा साथी उज्यालो दिन्छ
राम्रो कार्य गर्न यस्ले सबलाई डोर्‍याउँछ ।
औंला अर्को राम्रो मित्र लेख्न सिकाउँछ
चित्र कोर्न, कथा लेख्न पनि  सिकाउँछ ।

एक जोर खुट्टाले हिँडेर संसार घुमाउँछ
पाखुरीसङ्ग मिलेर योग ध्यान  गराउँछ ।
मुखभरि राम्रा उज्याला सेता दाँत टम्म 
खाना चपाइ धुलो बनाइ निरोगी बनाउँछ ।

शरीरभित्र साना अङ्ग सानै तिनका काम
रगत सफा पार्ने काम मुटुभित्र हुन्छ ।
नीलो रगत अशुद्ध शुद्ध भई रातो हुन्छ
बाँच्नका लागि यही रातो रगत चाहिन्छ ।

यस्ता अङ्ग मिलेर हुन्छ ज्यान स्वस्थ्य
त्यसैले त ती सबै हाम्रा अभिन्न मित्र ।
मानवले ध्यान साथ तिनको सुन्नु पर्छ
अनि मात्र तिनको ज्यान तन्दुरुस्त हुन्छ ।

---

२०८१.१२.१५ (अमेरिका)