नाचगानसहित शिक्षकहरूकाे प्रदर्शन

विद्यालय शिक्षा ऐन माग्दै शिक्षकहरूले बिहीबार पनि काठमाडाैंमा प्रदर्शन गरेका छन् ।

नेपाल शिक्षक महासंघले विगतका सबै सहमति सम्बोधन हुने गरी नयाँ विद्यालय शिक्षा ऐन जारी गर्न दबाब स्वरूप अनिश्चितकालीन आन्दाेलन घाेषणा गरेकाे हाे । 

दाेस्राे दिन माइतीघरदेखि बिजुलीबजारसम्म प्रदर्शन गरेका शिक्षकहरुले नाचगानसहित सरकारलाई आफ्नो माग सुनाएका छन् । 

गत माघ २० देखि आन्दोलनमा रहेको महासंघले ‘काठमाडौं जा‍औँ अभियान’ सहित बुधबारदेखि अनिश्चितकालीन शैक्षिक आन्दोलन थालेको हो । 

गुणस्तरीय विद्यालय शिक्षा, विद्यार्थी र शिक्षक कर्मचारीमैत्री अग्रगामी विद्यालय शिक्षा ऐन जारी गराउन राज्य पक्षलाई दबाब दिनका लागि आन्दोलन थालिएको महासंघको भनाइ छ । आन्दोलनमा देशभरका शिक्षक र कर्मचारी सहभागी हुने छन् । आन्दोलनमा आएका शिक्षक–कर्मचारी विद्यालय शिक्षा ऐन जारी नहुँदासम्म काठमाडौंबाट नफर्किने महासङ्घले जनाएको छ ।

महासंघले हरेक दिन बिहान ११ बजेदेखि ४ बजेसम्म माइतीघर–बानेश्वर सडक खण्डमा भेला भएर प्रदर्शन गर्ने कार्यक्रम तय गरेकाे छ ।