हिमाल एकेडेमीले मनायो वार्षिकोत्सव

भक्तपुरको सूर्यविनायक नगरपालिका वडा नं. ७, गुण्डुस्थित हिमाल एकेडेमी स्कुलले २१ औं वार्षिकोत्सव मनाएको छ ।

समारोहको प्रमुख अतिथि बागमती प्रदेश सरकारका स्वास्थ्यमन्त्री किरण थापाले विरुवामा पानी हालेर उदघाटन गर्नु भएको थियो । त्यस क्रममा हिमाल एकेडेमीबाट एसईई उतीर्ण र विभिन्न विधाका उत्कृष्ट डेढ सयभन्दा बढी विद्यार्थीलाई पुरस्कृत र सम्मान गरिएको थियो ।

२०८० सालको एसईई परीक्षामा ४ जीपीए प्राप्त गर्न सफल विपिना मिश्रलाई मन्त्री थापाले अवार्ड र सम्मानपत्र प्रदान गर्नुभएको थियो भने प्रिन्सिपल प्रदिप थापाले २५ हजार नगद पुरस्कार प्रदान गर्नुभएको थियो । गएको एसईई परीक्षामा सूर्यविनायक नगरपालिकाका ३ वटा विद्यालयका एक एक विद्यार्थीले ४ जीपीए ल्याएका थिए । 

समारोहमा २०७६ देखि २०८० सालसम्म हिमाल एकेडेमीबाट एसईई उतीर्ण गर्न सफल १४६ जना विद्यार्थीलाई सम्मान गरिएको थियो । यस्तै विद्यालयमा १० बर्षभन्दा बढी सेवा गर्नुभएका शिक्षक र कर्मचारीलाई पनि सम्मान गरिएको थियो ।

मन्त्री थापाले विद्यालयले क्षेत्रीय स्तरमा दिएको शैक्षिक योगदानको प्रशंसा गर्दै प्रदेशमा स्वास्थ्य सेवा र सुविधा तथा शैक्षिक स्तरोन्नतिका लागि आफूले पहल गर्ने प्रतिबद्धता जनाउनु भएको थियो । 

प्रिन्सिपल प्रदिप थापाले गुणस्तरीय शिक्षाको खोजीमा गुण्डू बाहिर जानुपर्ने बाध्यता हटेको बताउँदै हिमाल एकेडेमीलाई उत्कृष्ट बनाउन योगदान पु¥याउने सबैप्रति धन्यवाद व्यक्त गर्नुभयो ।

विद्यालयकी संयोजक प्रतिक्षा केसी थापाले गुणस्तरीय शिक्षा दिएर विद्यार्थीको सुन्दर भविष्य कोर्न कुनै कसर बाँकी नराख्ने प्रतिबद्धता व्यक्त गर्नुभयो ।

कार्यक्रममा विद्यार्थीहरुले मार्शलआर्ट, धिमेबाजा, गीत, कविता, क्यारिकेचर, नृत्य र नाटक प्रस्तुत गरेका थिए ।