बसन्तपुरमा ठड्याइयो चीर, रङको पर्व होली सुरू (तस्बिरसहित)

भाइबहिनीहरु, तपाइँहरुलाई फागु पूर्णिमाबारे थाहा छ ? याे रंगकाे पर्व हाे । फागु पूर्णिमालाई होली पनि भनिन्छ । 

याे हिन्दू धर्मावलम्बीहरुकाे महत्त्वपूर्ण पर्व हो, जुन विशेषगरी भारत र नेपालमा मनाइन्छ। यो पर्व वसन्त ऋतुको आगमनको संकेत हो र प्रेम र भाइचाराको सन्देश दिन्छ।

फागु पर्वको आजदेखि विधिवत् रुपमा सुरुवात भएको छ ।

फागुन शुक्ल अष्टमी अर्थात् आज बिहान शुभसाइतमा मौलिक बाजागाजासहित काठमाडौंको बसन्तपुरमा रंगीचंगी ध्वजा र पताकाले सिँगारिएको चीर उठाइएको छ ।

परापूर्वकालदेखि नै फागु पर्वको दिनभन्दा एक साताअघि यसरी चीर ठड्याउने परम्परा रहिआएको छ । चीर ठड्याइएसँगै नेपालमा फागु पर्व सुरु भएको मानिन्छ।

यसरी ठड्याइको चीर फागु पुर्णिमाको राति साइत हेरेर ढालिन्छ र टुँडिखेलमा जलाएर विसर्जन गर्ने चलन छ । चीर ढालेको भोलिपल्ट नेपालको तराईमा होली पर्व मनाउने गरिन्छ ।

यस पर्वका दौरान रंगहरूको उत्सव, मिठा परिकार र सांस्कृतिक कार्यक्रमहरु आयोजना गरिन्छ, जसले समाजमा आपसी सद्भाव र भाइचारा वृद्धि गर्न मद्दत पुर्‍याउँछ।

फागु पर्वको महत्त्वका कारण, यो सबैको मनमा रंग र उमङ्गको उत्साह फैलाउने एउटा विशेष अवसर हो । 

फागु पूर्णिमा वसन्त ऋतुको शुरुवात हो, जसमा फूलहरू खस्न थाल्छन् र वातावरण रंगीन हुन्छ। यो पर्व प्रेम, मित्रता, र नयाँ सुरुवातको प्रतीक हो ।