एसईई १३ दिनपछि : ५ लाख २२ हजार विद्यार्थी सहभागी हुँदै

भाइबहिनीहरू एसईई परीक्षा दिन धुमधाम मिहिने गरिरहनुभएको हुनुपर्छ । अभिभावकले पनि मेरी छोरी, मेरो छोराले राम्रो गर्नुपर्छ भनेर सघाइरहनु भएको हुनुपर्छ । 

हो त अब चैत ७ गतेबाट सुरु हुनेछ । परीक्षाको दिन आइपुग्न १३ दिनमात्र बाँकी छ । उता राष्ट्रिय परीक्षा बोर्ड, परीक्षा नियन्त्रण कार्यालय कक्षा १० को माध्यमिक शिक्षा परीक्षा (एसईई) सफलतापूर्वक सम्पन्न गराउने धुमधाम तयारी गरिरहेको छ । 

निमित्त परीक्षा नियन्त्रक विष्णुप्रसाद ज्ञवालीले दिनुभएको जानकारी अनुसार यो वर्ष २०८१ सालमा एसईई दिने परीक्षार्थीको संख्या ५ लाख २२ हजार जति हुनेछ । 

एसईई नियमिततर्फ ४ लाख ६८ हजार हुनुहुन्छ । गत वर्ष कम नम्बर हासिल गरेका ५० हजार जतिले ग्रेड वृद्धिका लागि परीक्षा दिनु हुनेछ । यसैगरी २०७८–०७९ सालका पुराना ग्रेड वृद्धिका लागि ४ हजार विद्यार्थीले फारम भर्नुभएको छ । 

त्यसनिम्ति २१ सय ३१ वटा परीक्षा केन्द्र तोकिएको छ । परीक्षा केन्द्र केही थपघट हुनसक्ने जनाइएको छ । अहिले धमाधम प्रश्नपत्र छापिँदैछ । 

छापिएका प्रश्नपत्रलाई सम्बन्धित जिल्लामा पु¥याउने काम पनि भइरहेको छ । अहिलेसम्म सुदूरपश्चिम, कर्णाली र कोशी प्रदेशमा प्रश्नपत्र पु¥याउने काम भइसकेको छ । प्रदेश कार्यालयले प्रश्नपत्रलाई जिल्ला–जिल्लामा पु¥याउने काम गर्छ ।

परीक्षा अथवा जाँच भनेपछि जोसुकैलाई केही झस्काउँछ । मनमा डर पैदा गर्छ तर सानो कक्षादेखि कक्षा १० सम्मै किताब पढेका हुन्छौं । कापीमा लेखेका हुन्छौं । पढेका कुराहरू बुझेका हुन्छौं । अभ्यास गरेका हुन्छौं । त्यही पढेका लेखेका, गुनेका कुराहरू नै एईईको प्रश्नपत्रमा सोधिन्छन् ।

त्यसैले जाँच आयो भन्दैमा हडबडाउनु, डराउनु पर्दैन । यत्ति हो कि कति जीपीए हासिल गर्ने भन्ने लक्ष्यचाहिँ राख्नु पर्छ ।