बागमती प्रदेश स्तरीय कविता प्रतियोगितामा शान्ति र सुनिता प्रथम

बागमती प्रदेश स्तरीय कविता प्रतियोगितामा जुनियर सर्कलतर्फ धादिङबेसीस्थित एड्भान्स एकेडेमीकी छात्रा शान्ति तामाङ र युवा सर्कलतर्फ नुवाकोटस्थित बागेश्वरी माविकी सुनिता तामाङ प्रथम हुनुभएकाे छ ।

नेपाल रेडक्रस सोसाइटीले आयोजना गरेको प्रतियाेगितामा जुनियर सर्कलतर्फ तामाङ प्रथम, सिद्धिमंगल मावि ललितपुरका कृष्ण मोक्तान द्वितीय र पद्मकन्या विध्याश्रम मावि काठमाडौंकी राज्यलक्ष्मी गुप्ता तृतीय हुनुभयाे ।

युवा सर्कलतर्फ नुवाकोटस्थित बागेश्वरी माविकी सुनिता तामाङ प्रथम, ग्रामर स्कुल काठमाडौंकी विजेता कार्की द्वितीय र एड्भान्स एकेडेमी धादिङकी एलिना बानिया तृतीय हुनुभएकाे छ ।

वागमती प्रदेशमा छनोट चरण पार गरेका सहभागीहरु केन्द्रीय प्रतियोगितामा सहभागी हुन पाउनेछन् ।