'निजीका कारण सामुदायिक विद्यालयको गुणस्तर घट्दैन’

गृहमन्त्री रमेश लेखकले निजी विद्यालयहरुको स्थापनाले सार्वजनिक विद्यालयको गुणस्तर नघटाएको बताउनुभएकाे छ ।

शुक्रवार नेशनल प्याब्सनकाे आठौं राष्ट्रिय महाधिवेशन उट्घाटन समारोहमा बोल्दै उहाँले निजी विद्यालयहरुलाई समाप्त गरेर सार्वजनिक विद्यालयहरुको स्तर सुध्रिन्छ भन्नु गलत भएको बताउनुभएकाे हाे ।

उहाँले भन्नुभयाे, ‘सरकारले आफ्नो धारणा नीतिगत रुपमा स्पष्ट पारेको छ । हरेक कुरा पारदर्शी गराएको छ । मैले पटक-पटक भनेको छु, निजी या आवfसीय विद्यालयहरुको स्थापनाले सार्वजनिक अथवा सामाजिक विद्यालयको गुणस्तर घटाएको होइन । निजी या आवfसीय विद्यालयलाई समाप्त गरिदियो भने सार्वजनिक विद्यालयहरुको स्तर सुध्रिन्छ भन्ने होइन ।’

‘सरकारले सामुदायिक विद्यालय सञ्चालन गर्ने, नि:शुल्क शिक्षाको व्यवस्था गर्ने, राम्रो शिक्षाको व्यवस्था गर्ने काम राज्यले गर्नुपर्छ तर निजी र आवfसीय विद्यालयहरुलाई मारेर त्यो राम्रो हुन्छ भन्ने सिद्धान्त छ, त्यो विल्कुल बेठिक छ,’ उहाँले भन्नुभयाे ।

लेखकले निजी र आवासीय विद्यालयहरुको देशको अर्थतन्त्रमा महत्वपूर्ण भूमिका रहेको उल्लेख गर्दै शिक्षाको क्षेत्रमा पनि महत्वपूर्ण भूमिका रहेको बताउनुभयाे ।