अक्सफोर्डलाई गुरुकुल फुटसल उपाधि

गुरुकुल एजुकेसनद्वारा आयोजित हब इन्टरनेसनल गुरुकुल फुटसल प्रतियोगिताको उपाधि अक्सफोर्डले जितेको छ ।

बुटवलमा भएको प्रतियोगिताको दोश्रो संस्करणको फाइलनमा अक्सफोर्डले नवीन औद्योगिक कदरबहदुर रिता मा.वि. लाई ३–१ गोलले पराजित गर्‍यो । विजेताले २० हजार तथा उपविजेताले १० हजार नगद पुरस्कार हात पारे । सेन्ट जोसेफले अनुशासित टिमको ट्रफी हात पार्‍यो ।

एकदिने प्रतियोगिताको रुपन्देही जिल्ला फुटबल संघका अध्यक्ष एवं तिलोत्तमा खेलकुद विकास समितिका संयोजक लोक पुनले उद्घाटन गर्नुका साथै विजेतालाई पुरस्कृत पनि गरे । प्रतियोगितामा १६ टिमले लिग कम नकआउट आधारमा प्रतिस्पर्धा गरेका थिए ।