‘हामीमाथि कसैले नराम्रो गर्‍यो भने डटेर आवाज उठाऔं, दबिएर नबसौं’ (भिडियाे)

बालसंसार डट कमको ‘किशोर आवाज’ एउटा महत्वपूर्ण प्लेटफर्म हो, जसले किशोरकिशोरीहरूको विचार, रुचि र सोचलाई उजागर गर्ने काम गर्दछ । यो विशेषतः किशोरावस्थाका बालबालिका र युवाको आवाजलाई समाज र समुदायसम्म पुर्‍याउने उद्देश्यले सञ्चालित कार्यक्रम हो ।

यसका माध्यमबाट किशोरहरूलाई आफ्नो मनका कुरा व्यक्त गर्न, आफूलाई प्रेरित गर्ने व्यक्तित्व र रुचिका बारेमा चर्चा गर्न र भविष्यका योजनाहरूलाई साझा गर्न अवसर प्राप्त हुन्छ । 

‘किशोर आवाज’का विभिन्न श्रृंखलाहरूमा किशोरहरूको शिक्षा, भविष्यका लक्ष्यहरू, मनपर्ने विषय, प्रेरणादायक व्यक्तिहरू र व्यक्तिगत जीवनका अन्य प्रसंगहरूबारे कुरा गरिन्छ । यस कार्यक्रमले किशोरहरूलाई आफ्नो रुचि र लक्ष्यहरू प्रकट गर्न, उनीहरूको सपनालाई साकार बनाउन र समाजका अन्य व्यक्तिहरूसँग जडान बनाउन मद्दत गर्दछ ।

‘किशोर आवाज’ को दशौं श्रृंखलामा हामीले सेन्ट जेभियर कलेजमा कक्षा ११ मा अध्ययनरत बिहानी भट्ट र नेपाल मेगा स्कुल अनामनगरमा कक्षा ५ मा अध्ययरत उपाधि पाण्डेसँग कुराकानी गरेका छौं । 

यो कुराकानीमा उहाँहरूको पढाइ, रुचि, भविष्यका योजना र मन पर्ने/नपर्ने कुरा आदि विषयमा चर्चा गरिएको छ ।

बिहानीलाई विज्ञान विषय पढ्न मन पर्छ भने उपाधिलाई नेपाली विषयमा रुचि छ । 

उहाँहरु दुवैले समाजमा रहेका विकृतिहरुलाई हटाउनुपर्नेमा जोड दिनुभएको छ । दुवै जनाले किशोरकिशोरीमाथि हुनसक्ने विभिन्न खालका घटनाहरुप्रति सचेत रहनुपर्ने र त्यसको डटेर मुकाबिला गर्नुपर्नेमा जोड दिनुभएको छ । 

सुनौं उहाँहरुका विचार भिडियोमा ।