स्कुल बस दुर्घटनामा मृत्यु भएकाकाे सनाखत

काठमाडौंको शंखरापुर नगरपालिका ५ स्थित साँखु–नगरकोट सडक खण्डमा स्कुल बस दुर्घटना हुँदा ३ जनाको मृत्यु भएको छ भने ४० जना घाइते भएका छन् ।

चाबहिलको मैजुबहालस्थित सत्य साई एकेडेमीका विद्यार्थी सवार बा २ ख ७९५८ नम्बरको बस बुधबार दिउँसो नगरकोटबाट काठमाडौंतर्फ आउने क्रममा  ब्रेक फेल भएर अनियन्त्रित भई कात्तिकेनजिकै दुर्घटनामा परेको थियो ।

प्रहरीका अनुसार मृत्यु भएका मोरङको उर्लाबारी नगरपालिका–७ स्थायी घर भई काठमाडौंको कपन बस्ने ११ वर्षीय क्रिशल पुरी, सिन्धुपाल्चोकको बलेफी गाउँपालिका–७ घर भई चाबहिल बस्ने २४ वर्षीय सुरेश तामाङ र सिन्धुपाल्चोक घर भइ हाल काठमाडौंको भिमसेनगोला बस्ने १४ वर्षीया शुशांका डोटेलकाे सनाखत भएकाे छ ।

क्रिशलको त्रिवि शिक्षण अस्पतल महाराजगञ्ज, सुरेशको नेपाल मेडिकल कलेज र शुशांकाको शंखरापुर अस्पतालमा मृत्यु भएकाे हाे ।  

दुर्घटनामा परी ४० जना घाइते भएका छन् । घाइतेको विभिन्न अस्पतालमा उपचार भइरहेको प्रहरीले जनाएको छ ।