घ्यु चाकुको महिमा (बालगीत)

जति  हामी  साना छौँ 
त्यति धेरै हाम्रा चाड
हिजो आज भोलि-पर्सी
सधैंजसो चाड ।

कुनै चाड देवीपूजा
कुनै सेलरोटी खाने
कुनै चाड भाइपूजा
कुनै आमा-बाबा पुज्ने ।

गर्मी महिना शीतल पार्ने
फलाहार खाने 
जाडो महिना न्यानो पार्ने
खाना खाने पर्व ।

पुस महिना पकाएर
माघ महिना खाने
यस्ता पनि हाम्रा चाड
गौरव गर्न मन लाग्ने ।

पुस महिना तरुल पकाइ
माघ महिना खाने
तरुलसङ्ग खाएपछि
उर्जा पनि दिने ।

तील लड्डु चपाउने
सक्खरको चाकु घोटी
मसला नि मिसाएर 
घ्युमा मिसाइ खाने ।

जाडो महिना यस्तो
पोषक खानु पर्छ
चल्दै आको यो चलन 
भनी भन्छन् मान्यजन ।

मकर मेला यसै बेला
मनाइन्छ ग‌ंगामा
अनगिन्ती तिर्थालु
पुग्छन् त्यहाँ चोपिन ।

व्रत तीर्थ मान्ने चलन
चलिरहेछ अनन्त
जाडो गर्मी केही हुन्न
मन भए पवित्र ।