परीक्षा केन्द्र फरक पारेकाे भन्दै जनकपुरमा विद्यार्थी आन्दाेलित

जनकपुरकाे जनकपुरधामस्थित रामस्वरुप रामसागर बहुमुखी क्याम्पसका विद्यार्थी आन्दोलित भएका छन् ।

बुधबार (भोलि) देखि सुरु हुन लागेको स्नातक तहको परीक्षाको परीक्षा केन्द्र फरक–फरक क्याम्पसमा राखेको भन्दै विद्यार्थी विरोधमा उत्रिएका हुन् ।

विद्यार्थीले क्याम्पसको प्रशासन शाखाको ढोका र झ्यालको सिसा तोडफोड गर्नुका साथै क्याम्पस परिसरभित्र राखिएका काठका सामग्रीमा आगो लगाएका छन् ।

यसअघि अहिले जस्ताे अन्य क्याम्पसमा  परीक्षा केन्द्र राखिएको थिएन । नियतवश निजी क्यामपसका सञ्चालकको मिलेमतोमा ९ सय  विद्यार्थीबाहेक बाँकी सबैको परीक्षा केन्द्र अन्य क्याम्पसमा राख्न लगाएको विद्यार्थीकाे आराेप छ ।

उनीहरुले यो निर्णय नसच्चयाए मधेश प्रदेशभरि परीक्षा हुन नदिने चेतावनी दिएका छन् ।