कागजबाट वाल ह्याङ्गर र सनफ्लावर (भिडियाे)

नवलपरासीको गैंडाकोटस्थित ज्ञानकुञ्ज बोर्डिङ स्कुलकी शिक्षिका सुस्मिता सुनारी मगरले कागजबाट सिर्जनशील वस्तुहरू निर्माण गर्दै विद्यार्थीहरूलाई व्यावहारिक र वातावरणीय शिक्षा सिकाउँदै आउनुभएकाे छ ।

कागजबाट उहाँले धेरै सामानहरु बनाइसक्नुभएकाे छ । उहाँले याे भिडियाेमा विद्यार्थी भाइबहिनीलाई कागजबाट वाल ह्याङ्गर बनाउन सिकाउनुभएकाे छ । उहाँले आकर्षक वाल ह्याङ्गरसँगै त्यसलाई सजाउनका लागि कागजबाटै सनफ्लावर पनि कसरी बनाउन सकिन्छ भनेर देखाउनुभएकाे छ । 

यसले विद्यार्थीहरूमा पुनः प्रयोग (रिसाइकल) गर्ने बानी विकास गर्नुका साथै सिर्जनशीलतामा प्रोत्साहन गर्दछ । कागजजस्तो सजिलै उपलब्ध हुने सामग्रीलाई उपयोग गरेर दैनिक जीवनका लागि उपयोगी र सौन्दर्यात्मक वस्तु कसरी बनाउने भन्ने कुराको ज्ञान दिन सकिने उहाँ बताउनुहुन्छ ।

'शिक्षाले केवल किताबी ज्ञानमात्र दिनु हुँदैन, विद्यार्थीलाई व्यवहारिक ज्ञान, सिर्जनात्मकता, र वातावरणप्रति जिम्मेवारीसम्बन्धी पाठ सिकाउनु जरुरी छ,' उहाँ भन्नुहुन्छ ।