न्यानो ज्याकेट पाएपछि बालबालिका खुसी

रुकुम पूर्वमा चार दर्जन बालबालिकालाई न्यानो ज्याकेट वितरण गरिएको छ । पुथाउत्तरगंगा गाउँपालिका-११ तुपास्थित दशरथ आधारभुत विद्यालयमा अध्यनरत बालबालिकालाई ज्याकेट वितरण गरिएको हो । 

बालबालिकालाई जाडोबाट जोगाउन समाजसेवी मुकेश खतिवडाले निजी खर्चमा ज्याकेटको व्यवस्थापन गर्नुभएकाे हाे । उक्त सहयोगका लागि विद्यालय परिवारले खतिवडालाई धन्यवाद दिँदै सम्मान गरेको थियो । 

कक्षा १ देखि ६ सम्म अध्ययन गर्ने करिब ५० बालबालिकालाई ज्याकेट वितरण गरिएको हो । न्यानो ज्याकेट पाएपछि बालबालिका असाध्यै खुसी भएकाे र बालबालिकाको ओठमा देखिने मुस्कानले यस्तो सेवामा अभिप्रेरित गरेको समाजसेवी खतिवडाले बताउनुभएकाे छ ।