बालबालिकालाई शैक्षिक सामग्री प्रदान

महोत्तरीको बर्दिबास-५ स्थित टुटेश्वरनाथ मा.वि. डिपुका विध्यार्थीले आफ्नै विध्यालयका आर्थिक अवस्था कमजोर रहेका नानीबाबुलाई विभिन्न शैक्षिक सामग्री प्रदान गर्नुभएको छ ।

कक्षा १० का तेजप्रसाद देवकोटा, दुर्गाप्रसाद घिमिरे, रन्जेश यादव र लक्ष्मी गौतमले आफ्नै खर्चमा कापी, पेन्सिल, इरेजरलगायत सामग्री खरिद गरी शुक्रबार बालबालिकालाई प्रदान गर्नुभएको हो । 

उहाँहरूले आफ्नो बालक्लबबाट र ब्यक्तिगत रूपमा यसअघि पनि तल्लो कक्षाका भाइबहिनीलाई सहयोग गर्दै आउनुभएको छ ।

उहाँहरू सिर्जनशील र कोपिला बालक्लबमा आवद्ध हुनुहुन्छ ।