दक्षिण एसियामा लाेकप्रिय परिकार : पकाैडा (भिडियाे )

पकौडा दक्षिण एशियाली परिकार हो । याे विशेषगरी नेपाल, भारत, पाकिस्तान र बंगलादेशमा अत्यन्त लोकप्रिय छ । यो स्न्याक्सका रूपमा विभिन्न चाडपर्व, पार्टी वा दैनिक खाजा समयमा बनाइने परिकार हो।

पकौडाको मुख्य आधार बेसन (चनाको पिठो) हो । यसमा विभिन्न तरकारी (फूलकोपी, आलु, बन्दागाेभी), माछा, मासु, चिज वा अन्य सामग्री प्रयोग गर्न सकिन्छ । बेसनको घोलमा यी सामग्रीलाई डुबाएर तातो तेलमा तारेर बनाइन्छ ।

पकौडाको स्वाद यसको मसला र बनावटमा निर्भर हुन्छ । मसलाहरू जस्तै : बेसार, जीरा, धनियाँ, खुर्सानीको धूलो, अदुवा-लसुनकाे पेस्टले यसलाई स्वादिलाे बनाउँछन् ।

पकौडा चिया वा चटनीसँग खाने चलन छ। यो विशेषगरी जाडो मौसममा, वर्षायाममा र साथीभाइसँग रमाइलो गर्ने अवसरमा खाइन्छ ।

नेपालमा आलु पकौडा र प्याज पकौडा प्रख्यात छन्। भारतमा पनीर पकौडा र मिर्ची पकौडा (ठूलो खुर्सानीको पकौडा) बढी रुचाइन्छ ।
पाकिस्तान र बंगलादेशमा भने रमजानका बेला यसलाई  विशेष खाजाका रूपमा खाने गरिन्छ ।

पकौडा तेलमा तारेको खाना भएकाले अत्यधिक सेवन स्वास्थ्यका लागि उपयुक्त हुँदैन । तैपनि, पकौडालाई सन्तुलित मात्रा र स्वस्थ तरिकाले खाँदा यसले पारिवारिक र सामाजिक समयलाई अझ स्वादिलो र रमाइलो बनाउँछ।

यतिखेर हामी ललितपुरको झम्सिखेलस्थित हानुक कोरियन रेस्टुरेन्टमा आइपुगेका छाैं र पकाैडा कसरी तयार पारिन्छ भनेर देखाइरहेका छाै‌ं । सेफ आयुष तामाङले हामीलाई पकाैडा बनाएर देखाउनुहुनेछ ।