विराटनगरमा बाल विकाससम्बन्धी अन्तर्राष्ट्रिय सम्मेलन हुँदै

विराटनगरमा एक दर्जनभन्दा बढी देशको उपस्थितिमा बाल विकाससम्बन्धी अन्तर्राष्ट्रिय सम्मेलन हुँदैछ ।

पूर्वाञ्चल विश्वाविद्यालयको शिक्षाशास्त्र संकायले पहिलो पटक दुई दिने अन्तर्राष्ट्रिय सम्मेलन आयोजना गर्न लागेको हो ।

कोशी प्रदेशका मुख्यमन्त्री हिक्मतकुमार कार्कीले उद्घाटन गर्ने कार्यक्रममा भारत, अमेरिका, बेलायत, मलेसिया, बंगलादेश लगायतका देशहरुबाट प्रतिनिधिहरुको सहभागिता हुने बताइएको छ ।

आगामी मंसिर २१ र २२ गते हुने सम्मेलनमा बालबालिकाको हेरचाह र जिम्मेवारी, बालविकास सम्बन्धी पेशागत विकास र नैतिकता, प्रारम्भिक बाल्यकाल विकासजस्ता तीन दर्जन विषयमा छलफल चल्नेछ । 

कार्यक्रममा विभिन्न विद्यालयका बालबालिकाहरुको लागि कार्यशाला र प्रदर्शनी समेत चल्नेछ ।