२४३ भाषामा गुगल ट्रान्सलेट सुविधा

कुनै शब्द, वाक्य, अनुच्छेददेखि निश्चित लेखसम्मलाई एक भाषाबाट अर्को भाषामा अनुवाद गर्न गुगल ट्रान्सलेट प्रयोग गर्न सकिन्छ । सर्च इन्जिन गुगलले विभिन्न भाषामा यस्तो सुविधा दिने गरेको छ ।

सुरुवातमा १३३ वटा भाषा यसमा समावेश थिए । सन् २०२४ मा संसारका विभिन्न ठाउँमा बोलिने १ सय १० वटा नयाँ भाषा थप भएका छन् । नेपालबाट नेपाली र नेपाल (नेवारी) भाषा यसमा समावेश छन् ।

गुगल ट्रान्सलेट कम्युटर, मोबाइल सबैमा प्रयोग गर्न सकिन्छ । पछिल्लो समय विभिन्न भाषामा भएका जानकारी, ज्ञानलाई आफूले जानेको भाषामा उल्था गर्न यो उपयोगी बन्दै गएको छ । 

यद्यपि, कहिलेकाहीँ गुगल ट्रान्सलेटले कुनै शब्दको आशय गलत वा अर्थ अर्कै पनि दिन सक्छ । त्यसैले यसको अनुवादमा पूरै भर पर्न भने सकिँदैन । तर, अनुवाद भएपछि त्यसलाई पढेर भन्न खोजिएको कुरा सहजै अनुमान भने गर्न सकिन्छ ।

यो सेवा सुरु हुँदाताका अनुवाद गर्ने क्रममा धेरै गल्तीहरू देखिएका थिए । तर, पछिल्लो समय गुगलले आफ्नो सेवा सुधार्दै लगेको छ । अझ राम्रो सेवाका लागि कुनै भाषामा रहेको सामग्रीलाई पहिला अंग्रेजीमा अनुवाद गरी आफूले चाहेको भाषामा अनुवाद गर्न सकिन्छ ।