रमाइलोसँग विपरीत शब्द सिकौं (भिडियाे)

 

तपाईं आफ्ना बालबच्चालाई रमाइलोसँग सिकाउन चाहनुहुन्छ ? वा तपाईंका नानीबाबुले रमाइलो गर्दै सिक्न खोज्दै हुनुहुन्छ ?

यस भिडियोमा हामी बच्चाहरूलाई सरल, सहज र आकर्षक तरिकाले विपरीत शब्द (Opposite Word) सिकाउँदै छौं ।

नवलपरासीको गैंडाकोटस्थित ज्ञानकुञ्ज इंग्लिस बोर्डिङ स्कुलकी शिक्षिका सुस्मिता सुनारी मगरले नानीबाबुहरुलाई ठूलो र सानो, माथि र तल, रातो र नीलो, खुसी र दुःखीजस्ता आधारभूत विपरीत शब्दहरू सिकाउनु हुनेछ । उहाँले Opposite Word Book बनाउनुभएको छ । यही किताबका माध्यमबाट उहाँले चित्रहरु देखाउँदै सजिलाेसँग पढ्न सिकाउनुहुनेछ । 

गैंडाकोट–४ मा बस्ने उहाँ कागजबाट थुप्रै चिजहरु बनाउन पनि सक्नुहुन्छ । उहाँले बनाउनुभएका अन्य क्राफ्टहरू हामी अर्को भिडियोमा देखाउनेछाैं । 

यो भिडियोले नानीबाबुलाई रमाइलोसँग शब्दहरू सिक्न र दृश्यात्मक उदाहरणहरूको सहायताले छिटो सम्झिन  सहयोग गर्नेछ । अभिभावकका लागि पनि यो भिडियो उपयोगी हुने हामीले विश्वास लिएका छौं ।