बाढी पसेपछि विश्वनिकेतन स्कुलकाे पढाइ प्रभावित

गत बिहीबारदेखि शनिवार साँझसम्म परेको भारी वर्षासँगै बागमती नदीमा आएकाे बाढीले क्षति पुर्‍याएपछि त्रिपुरेश्वरस्थित विश्वनिकेतन माध्यमिक विद्यालयमा पठनपाठन प्रभावित भएकाे छ ।

भुईँ तलामा बाढी पसेका कारण नर्सरीदेखि कक्षा ३ सम्मका विद्यार्थीलाई दसैँ बिदा सुरु हुनुअघि नै तिहारसम्मका लागि बिदा दिइएको छ ।

बाढीले एक कराेडभन्दा बढीकाे भाैतिक स‌ंरचनामा क्षति पुर्‍याएको विद्यालयले जनाएकाे छ ।

भुईँतलामा रहेका फर्निचर, कम्प्युटर ल्याब, महत्त्वपूर्ण कागजपत्र तथा शैक्षिक सामग्रीहरू बाढीले काम नलाग्ने बनाएको विद्यालयले जनाएकाे छ । डुबानमा परेर दुईवटा स्कुल बसको इन्जिनमा समस्या देखिएको छ भने ल्याबमा रहेका ३० वटा ल्यापटप बिग्रिएका छन् ।