बाल गजल – माथि हेर्दा हिमाल बालसंसार

माथि हेर्दा हिमाल
टल्क्यो टलल्ल
तल मधेश रमाइलो
देख्दै झलल्ल

उता नदी खोला छन्
यता छहरा
वनको बाटो झरेर
बग्छन् सलल्ल

पहाडमा खेताला
डल्ला फोर्दैछन्
पसिनाले भिजाई
जिउ खलल्ल

लेक पुगी गुराँस
टप्प टिपेर
मीठो हाँसो सबैले
हाँसौँ हलल्ल ।

- भोर्लेटार, लमजुङ ।

(घिमिरे नेपाली लेखक सङ्घ गण्डकी प्रदेश कार्य समितिका सचिव हुनुहुन्छ । उहाँका बालसाहित्यका कृतिहरु प्रकाशित छन् ।)

सात महिनासम्म बालबालिकाले पाएनन् दिवा खाजा