इन्द्रजात्राकाे विषयवस्तुमा चित्रकला प्रतियाेगिता

ललितपुरको जितापुर गन्धकुटी बिहार परिसरमा इन्द्र जात्रा (ञेया) काे विषयवस्तुमा १ देखि १० कक्षाका विद्यार्थीबीच चित्रकला प्रतियाेगिता आयाेजना गरिएकाे छ ।

लाच्छी लर्निङ सेन्टरकाे आयोजना र आर्ट बिट स्टुडियाेकाे सहयाेगमा भएकाे चित्रकलामा काठमाडाैं, ललितपुर, भक्तपुर, कीर्तिपुर र जनकपुरबाट ३० वटा विद्यालय र ६९ कलाकारकाे सहभागिता थियो ।

चित्रकला प्रतियोगिता ४ विधामा भएको थियो।  प्राथमिक विद्यार्थी कलाकार कक्षा (१-४), कनिष्ठ विद्यार्थी कलाकार कक्षा (५-७), वरिष्ठ विद्यार्थी कलाकार कक्षा (८-१०) र जनताको छनौट पुरस्कार गरी ४ वटा विधामा नेपाली कला, संस्कृति र पर्वहरूको  विषयलाई  चित्रकलाको माध्यमबाट देखाइएकाे थियाे ।

ललितपुर महानगरपालिका– २१ का प्रमुख रवीन्द्र महर्जनले विद्यार्थीहरूले बिहानदेखि बेलुकासम्म विद्यालयका पाठ्यक्रममा मात्र समय दिनुपर्ने बाध्यताले १ देखि १० सम्मका विद्यार्थीहरूको अतिरिक्त पाठ्यक्रमकाे प्रतिभा विकास गर्न नसकिने बताउनुभयो ।

लाच्छी लर्निङ सेन्टरले विद्यार्थीहरूको अतिरिक्त पाठ्यक्रमकाे प्रतिभाहरुलाई जन्माउने र विकास गर्ने महत्वपूर्ण भूमिका खेलेको उहाँले बताउनुभयाे । 

आर्ट  बिटका संस्थापक जुजु महर्जनले नेपालका विकट ठाउँका विद्यालयहरूमा गई चित्रकलालाई प्रोत्साहन गर्न रंगहरु, कापी, कलमहरु दिएर सहयोग गर्दै आउनुभएको छ। महर्जनले नेपालका तराई, पहाड र हिमाली क्षेत्रहरूमा पनि बालबालिकाका चित्रकलालाई प्रोत्साहन र स्टेशनरीका सामग्री सहयोग गर्दै जाने आफ्नाे सपना रहेकाे बताउनुभयो ।

प्राथमिक विद्यार्थी कलाकार विधामा युवा प्रतिभा विद्या मन्दिर माध्यमिक विद्यालयका रोशन बुढामगर प्रथम, ज्ञानोदय बालवाटिकाका सरल डंगोल दोश्रो र शान्ति गार्डेन स्कूलका शिक्षा महर्जन तेश्रो हुनुभयाे ।

कनिष्ठ विद्यार्थी कलाकारतर्फ प्रारम्भ वर्ल्ड स्कूल एण्ड कलेजका आयांश ज्ञवाली प्रथम, कंकेश्वरी आधारभूत विद्यालयका कृष्ण माझी दोस्रो र क्रिएटिभ एकेडेमी कीर्तिपुरका लिपि महर्जन तेश्रो हुनुभयाे ।

त्यसैगरी वरिष्ठ विद्यार्थी कलाकार विधामा क्रिएटिभ लर्नर्स एकेडेमीका सञ्जीव श्रेष्ठ प्रथम, पद्मप्रकाश माध्यमिक विद्यालयका सम्झना शाह दोश्रो र विश्व निकेतन माध्यमिक विद्यालयका कृष कुमार तेश्रो हुनुभयाे । जनताको छनौट पुरस्कार विश्व निकेतन माविका  प्रज्वल शाह ठकुरीले पाउनुभयाे।

यस प्रतियोगितामा निर्णायकको भूमिका मैचा र बौचाका संस्थापक विज्ञान प्रजापतिले गर्नुभएको थियो।